KORONADAL CITY - Ginabulong karon sa South Cotabato Provincial Hospital (SCPH) ang isa ka anay barangay chairman sang Brgy. Mambucal diri sa siyudad sang Koronadal matapos nga ginluthang sang kaugalingon nga utod kagab-i.

Gikilala ang biktima nga si anay Barangay Chairman Rosinda Barrientos Almadin, 61-anyos may asawa kag residente sang nasambit nga lugar.

Suno sa testigo nga nakakita sang insidente, samtang nagatindog sa terrace sang ila nga puluy-an ang biktima, ginpalapitan ini sang iya utod nga si Rolito Monterola Barrientos kag ginlutang sang makapila ka beses.

KORONADAL CITY - Nagalab-ot sa P2.5 million sang kantidad sang mga pananim ang ginwasak sang buhawi sa banwa sang Antipas, North Cotabato.

Kalakip sa mga naapektuhan sang buhawi ang mga pananum nga saging, guma kag mais.

Suno sa report sang Antipas PNP nga tuman kanugon ang nasambit nga mga pananum nga natalana na kuntani nga anihin.