“I AM READY. Mao man gyud na ang reality sa politics.”

Mao ni ang reaksiyon ni Bise Gobernador Agnes Magpale labot sa mamahimong sangputanan sa relasyon nila tali ni Gobernador Gwen Garcia human gi-report nga nahulma na ang alyansa tali sa Liberal party ug Barug Alang sa Kauswagan ug Demokrasya (Bakud) ug ang panagpares nila ni LP Cebu provincial chairman Atty. Hilario “Junjun” Davide III.

Iyang gibutyag nga duna na gyuy nakab-ot nga desisyon ang ilang pangu sa Bakud party nga si Danao City Vice Mayor Ramon “Nito” Durano III apan naunhan lang gyud og report sa media.

BUKSAN sa Sun Savings Bank ang ilang bag-ong buhatan sa ground floor sa Rosalie Bldg., Gaisano Grand Fiesta Mall, Tabunok, dakbayan sa Talisay.

Si Francisco A. Dizon, presidente sa banko, kinsa duna nay 37 ka mga tuig nga kasinatian isip banker, nipahibawo nga P200 lang ang minimum nga deposito niadtong gustong mobukas kanila og savings account.

Sa P200 nga minimum deposit, kini mo-interest og 3 porsyento per annum, nga mas taas pa kay sa gitanyag sa ubang mga banko, bisan niadtong dagko ug dugay nang nag-operate.

Si Dizon nipasabot nga ila kining gituyo aron bisan kadtong ordinaryo kaa­yong mga tawo madani sa pagtigom.

Ilang nakita nga daghan unta ang gustong magtigom sa mga banko apan di ganahan tungod sa kataas sa minimum deposit.

BUTUAN CITY - Traynta'y uno ka mga opisyal sa Department of Environment and Natural Resources (DENR) ang gi-relieve gikan sa ilang posisyon tungod sa kapalpakang mapahunong ang illegal logging sa ilang lugar.

Sigon ni DENR Secretary Ramon Paje , lakaip sa gi-relieve sila DENR Region 13 executive director Leonardo Sibbaluca og Region 11 executive director Jim Sampulna, Region 13 regional technical director (RTD) for forestry Musa Saruang, Region 11 RTD for forestry Hardinado Patnugo, og Region 11 Forest Resources Conservation Division OIC chief Claudio Jumao-as.

GENERAL SANTOS CITY- Nakafull-alert na ang kapulisan sa dakbayan sa Heneral Santos dungan sa pagsugod sa siyam ka adlaw nga US-RP joint naval exercises sa Sarangani bay.

Matud ni P/Supt. Ruel Beranggo sa General Santos City Police Office nga nagdugang sila og pulis aron muhatag og igong seguridad sa mga US troops.