NAGA CITY – Nagpuon na ngonian sa siyudad nin Naga an taunang selebrasyon kada bulan nin Mayo na may koneksyon sa paabuton na Peñafrancia Festival.

Sa intribista kan Bombo Radyo Naga kay Fr. Louie Occiano Chairman kan Caceres Commission on Communication (CCCom), kinumpirma kaini an pagbubukas kan Peñafrancia De Mayo na dating bistado sa apod na Peñafrancia Summer Festival.

NAGA CITY - Pagbabago para sa ikakarahay kan gabos an promesa ngonian kan bagong tukaw na Commanding Officer kan 49th Infantry Batallion (IB) Philippine Army sa probinsya kan Camarines Norte.

Ini kasunod kan turn-over ceremony na isinagibo subagong aga sa 49th IB kun saen pormal nang nagtukaw sa pwesto si Lt. Col. Michael Buhat karibay kan sinikadan na si Lt. Col. Epimaco Macalisang.

NAGA CITY- Matrayumpo an nagin enot na aldaw kan pag- aadal kan mga Mindanao mayors manungod sa Disaster Management and Climate Change Adaptation sa provincia nin Albay.

Katuyuhan kan nasambitang event na maiheras an saindang eksperyensya sa nangyaring pagbaha sa Cagayan de Oro asin Iligan City, pirang bulan na an nakakalihis huli sa bagyong Sendong.

NAGA CITY – Pigbisto kan International News Network na CNN an isla nin Caramoan sa Camarines Sur na ika-anom sa sampolong pinakamagagandang isla asin baybayon sa Pilipinas.

Sa saindang ebalwasyon napili nila an Lahos island kan nabanggit na coastal town.

Ikinokonsidera kan grupo na haros an bilog na Caramoan Peninsula puwedeng ibilang na pang-kinaban na pan-turismong paraiso na mayaman sa magagandang mga isla asin   baybayin, kakaibang rock formation, underground na kuweba asin salog, pati na an mga lagoon asin yaman dagat.