NAGA CITY – Nagpuon na ngonian sa siyudad nin Naga an taunang selebrasyon kada bulan nin Mayo na may koneksyon sa paabuton na Peñafrancia Festival.

Sa intribista kan Bombo Radyo Naga kay Fr. Louie Occiano Chairman kan Caceres Commission on Communication (CCCom), kinumpirma kaini an pagbubukas kan Peñafrancia De Mayo na dating bistado sa apod na Peñafrancia Summer Festival.

Suboot, kan nakalihis na Mayo 5 kan magpuon ng mag-arabutan an pilgrimage haleng Ringkonada area.

Kan aldaw man na ito kan punan an procession na gigibohon kada aldaw nin Sabado sa bilog na bulan nin Mayo.

Katakod kaini, nakatalaan na ilipat an imahe ni Nuestra Señora De Peñafrancia sa Naga City People's Mall sa maabor na Mayo 22 na iaagi sa sarong candle lighting procession.

Matener an nasabing imahe sa merkado nin hasta sa Mayo 25 nakatalaan man ining ibalik sa Basilica Minore.

Iaagi suboot ini sa paagi kan sarong Fluvial Procession asin susundan nin sarong misa.

Source:

http://www.bicolperyodiko.com/news/news-daily/2741-penafrancia-de-mayo-pinunan-na-sa-naga-city