NAGA CITY – Pigbisto kan International News Network na CNN an isla nin Caramoan sa Camarines Sur na ika-anom sa sampolong pinakamagagandang isla asin baybayon sa Pilipinas.

Sa saindang ebalwasyon napili nila an Lahos island kan nabanggit na coastal town.

Ikinokonsidera kan grupo na haros an bilog na Caramoan Peninsula puwedeng ibilang na pang-kinaban na pan-turismong paraiso na mayaman sa magagandang mga isla asin   baybayin, kakaibang rock formation, underground na kuweba asin salog, pati na an mga lagoon asin yaman dagat.

Apwera sa Caramoan island an iba pang pigbisto kan CNN travel site como magagayun na beaches sa Pilipinas an:

El Nido, Palawan

Boracay, Aklan

Palaui Island, Cagayan Valley

Panglao, Bohol

Bantayan Island, Cebu

Samal, Davao

Siargao Islands, Surigao del Norte

Great Santa Cruz Islands, Zamboanga

Pagudpud/Bangui, Ilocos Norte

Antes ang pagkakapili, an pamosong TV reality show can CBS duman sa US na Survivor an yaun pa ngunyan sa

lugar asin matenir soldong August 2012 huli ta sinda an nag sho-shooting kan Survivor-USA.

Maroromdoman na padiit diit na nabisto an mala paraisong isla kan 2008 pagkatapos na pilion kan Top Resa Paris, ini an pagtitipon kan mga dakolang kompaniya na yaun sa industriya nin pagbiyahe, turismo asin kaaguid na negosyo sa Europa, bilang numero unong destinasyon panturismo na sinundan pa kan Nature magazine bilang best eco-tourism destination of the world.

Nag-host naman ang CamSur sa prestihiyosong Condé Nast Survey for Asian Islands Destinations kun sain dakol na turista an nagpartisipar.