KORONADAL CITY - Ginabulong karon sa South Cotabato Provincial Hospital (SCPH) ang isa ka anay barangay chairman sang Brgy. Mambucal diri sa siyudad sang Koronadal matapos nga ginluthang sang kaugalingon nga utod kagab-i.

Gikilala ang biktima nga si anay Barangay Chairman Rosinda Barrientos Almadin, 61-anyos may asawa kag residente sang nasambit nga lugar.

Suno sa testigo nga nakakita sang insidente, samtang nagatindog sa terrace sang ila nga puluy-an ang biktima, ginpalapitan ini sang iya utod nga si Rolito Monterola Barrientos kag ginlutang sang makapila ka beses.

Nakaangkon sang igo sang bala sa nagkalain-lain nga bahin sang iya lawas ang biktima. Gilayon naman nga nagpalagyo ang suspek matapos ang hitabo.

Sa inisyal nga inbestigasyon sang kapulisan, away sa duta ang rason sang nasambit nga krimen. Nahibaluan nga isa ka retired PNP member ang suspek.

Source: http://bomboradyo.com/news/regional-news/ilonggo-news/118197-anay-barangay-chairman-ginluthang-sang-utod-nga-retired-pnp-member