TACLOBAN CITY - Guin dayaw han simbahan katoliko an city government of Tacloban ngan provincial government of Leyte tungod ha malinampuson nga pagkaurusa han mga ini ha pagkaada hin malipayun nga pyista han Tacloban.

Sumala kan Archdiocese of Palo spokesperson, Fr. Amadeo Alvero waray man makita han katawhan, pero alagid-agid daw hin guin pamatian an ira pag-ampo nga pag-usaun an probinsya ngan an syudad kahuman nga likayan han magkaluyo nga kampo an kasamok mismo ha adlaw han parada.

Dugang pa ni Fr. Alvero nga nagin mamingaw an parada ngan mga aktibidad han magkaluyo nga kampo butang nga waray matabo han nakalabay nga tuig.

Manunumduman nga han nakalabay nga tuig in guin balabgan han city government of Tacloban an parada han Pintados festival tungod waray naman daw makakuha ini hin permit ngan dayun naman nahingadto ha kasamok.

Samtang padayun naman an pag-ampo han simbahang katoliko ha syudad ngan probinsya agud makalimutan na an away pulitika ngan makita an pagkaurusa ha magkaluyo nga kampo. 

Source: http://www.bomboradyo.com/news/regional-news/waray/118115-pagka-urusa-han-city-ngan-provincial-govt-ha-kapistahan-han-tacloban-guin-dayaw-han-simbahan