Executive Secretary Paquito “Jojo” Ochoa Jr. in nagbaribad han iya nominasyon para han posisyon nga Chief Justice han Korte Suprema. Ha iya surat ngadto han Judicial and Bar Council (JBC) nga petsado Hunyo 22, 2012, hi Ochoa in pormal nga nagbaribad han nominasyon. 

“An tigpirma ha ubos in nakakarawat hin inpormasyon nga hiya in nominado para han posisyon nga Chief Justice han Korte Suprema han Pilipinas,” pagbasa han surat. 

“Respetado ako nga nabaribad han nominasyon,” ito in nagdugang pa. 

An mga report in nagpapasabot nga in usa nga Egay Bigay in responsable han kan Ochoa nominasyon. 

Mahinunumduman nga an JBC in nag-ugsod han mga nominasyon para han Puno Mahistrado nga posisyon ngadto ha Hulyo 2 para maghatag hin damo pa nga tsansa ngadto han publiko pag nominar han ira tawo. 

An deadline in unta magtatapos han naglabay nga Hunyo 18. 

An JBC in magpapagawas han lista han mga aplikante ug mga nominado para han posisyon han Hulyo 7. Ini in ginlalauman nga magsusumiti han hilipot nga lista ngadto kan Pangulo Benigno S. Aquino III ha katapusan han Hulyo.(EOPT/Translated by GTT-PIA8/PCOO online news) 

http://www.pia.gov.ph/news/index.php?article=1191340616541