Iselebra na luyag na Pangasinan so National Disaster Consciousness Month no bulan na Hulyo. 

Onong ed si Ret. Col. Fernando De Guzman na Provincial Disaster Risk Reduction and Management Council (PDRRMC), nandoroman aktibidad so imparaan parad sayan selebrasyon ya onggapo no Hulyo a-nuwebe ed sayan baley. 

Saraya so pansabit na saray bandera diad Kapitolyo tan say pansansiyay panlinis ed saray ilog. Sakey met ya ’seminar’ so nagawa ed barangay Tobuan diad baley na Labrador, no iner et ibangat iray totoo no antoy gawen no bektan onketnay “tsunami.” 

Daoloan na San Roque Power Corporation tan Philippine Atmospheric Geophysical and Astronomical Services Administration (PAGASA) so pambangat na “emergency action plan” na San Roque Dam. Kaiba met so “flood forecasting” tan “warning system” ed taluran baleg ya ilog ed luyag.(PIA-Pangasinan)

Source: http://www.ugnayan.com/ph/Pangasinan/Lingayen/article/2232