SAN ESTEBAN, Ilocos Sur – Agdagup 180 nga ubbing a nagbasa iti Day Care ditoy idi napalabas a tawen ti winarasan ti Municipal Social Welfare and Development iti nasustansia a taraon itay nabiit.

Mismo a ni Mayor Chester Elaydo ti nangted kadagiti taraon kadagiti ubbing.

Kinuna ni Rosa Guarte, MSWD Officer, a gatas, tsokolate, oats, noodles, asukar, ken dadduma pay a nasustansia a taraon ti naited kadagiti ubbing a kaadduanna nga agbasbasa itan iti prep school.

Impalgak no Guarte a saan a naaramat ti pondo para iti feeding program iti bulan ti Abril ket daytoy ti naigatang kadagiti nadakamat a taraon a naited kadagiti ubbing. (Danny Antalan).

Source: TAWID NEWS TEAM

http://www.tawidnewsmag.com/2012/06/180-ubbing-nawarasan-nasustansia-taraon/