SIUDAD ITI SAN FERNANDO, La Union, May 22 (PIA) -- Nangidiaya ti Overseas Workers Welfare Administration Regional Welfare Office I (OWWA RWO1) iti sangapulo ket dua nga eskolarsyip para kadagiti annak dagiti mangmangged ti ballasiw taw wenno Overseas Filipino Workers babaen ti Dependent Scholarship Program. 

Nangidiayada ti tulong pinansyal para kadagiti depedent nga aktibo a miembro ti OWWA a ti sueldo na ket saan a ngumatu ti US0 a kas nakasaad diay bisa ti kontratada a nagtrabaho, kuna ni OWWA-RWO1 Labor Communications Officer Amapola Z. Villar.

Dagiti adda asawana wenno awan ti asawana nga annak ti OFWs’ a ti tawenna ket saan a ngumatu ti 21 years old, high school graduate ken incoming college freshman para ti school year 2012-2013, mabalinda nga isumite ti aplikasyon para ti nasao nga education assistance diay OWWA RWO1. 

Dagiti interesado nga aplikante ket masapul nga isumiteda dagitoy sumaganad: dua a passport size a litrato, pakakitaan nga adda relasyonda ti OFW kas pannakayanakda, certificate of good moral character, medical certificate, nagbayadan ti OWWA membership ti OFW a miembro, Form 137 wenno certified true copy of grades, ken official transcript of records para kadagiti nagturpos- iti kolehio. 

Saan a masapul ti eksaminasyon tapno maala ti maysa nga aplikante no diket magun-odna daytoy a programa no maipasana ti entrance exam diay eskwelaan nga umawat kaniada. 

Dagiti mapili nga aplikante ken makakompleto kadagiti kasapulanna ket makaenrolda uray no uppat agingga lima a tawen a baccalaureate course wenno associate course ti state college wenno unibersidad a mapili na. Ditoy region uno laeng ti mabalin a pageskuelaanna. 

Imbaga pay ni Villar a dagiti aplikante ket masapul nga isumiteda dagiti aplikasyonda inton Hunio 30 ti datoy a tawen diay opisina ti OWWA RWO1, Ground Floor, Zambrano Building, City of San Fernando, La Union. (ANL/EMR-PIA 1 La Union) 

Source: http://www.pia.gov.ph/news/index.php?article=321337651408