BUTUAN CITY - Traynta'y uno ka mga opisyal sa Department of Environment and Natural Resources (DENR) ang gi-relieve gikan sa ilang posisyon tungod sa kapalpakang mapahunong ang illegal logging sa ilang lugar.

Sigon ni DENR Secretary Ramon Paje , lakaip sa gi-relieve sila DENR Region 13 executive director Leonardo Sibbaluca og Region 11 executive director Jim Sampulna, Region 13 regional technical director (RTD) for forestry Musa Saruang, Region 11 RTD for forestry Hardinado Patnugo, og Region 11 Forest Resources Conservation Division OIC chief Claudio Jumao-as.

Gi-relieve usab sila Provincial Environment and Natural Resources Officer (PENRO)–Agusan del Norte Rosendo Asunto, PENRO-Agusan del Sur Belo Udarbe, PENRO-Surigao del Sur Domingo Cabrera, Jr., PENRO-Davao del Norte Marcia Isip, PENRO-Davao Oriental Gregorio Lagura, og PENRO-Compostela Valley Julius Valdez.

Samtang natangtang gikan sa ilang posisyon sila Community Environment and Natural Resources Officer (CENRO)-Butuan City/Nasipit Vicente Sembrano, CENRO-Tubay Cabadbaran Elvin Indig, CENRO-Bayugan Ruel Efren, CENRO-Bunawan Jerome Tadem, CENRO-Loreto Alberto Bacanaya, CENRO-San Francisco Marlon Gelingo, CENRO-Talacogon Eufracio Subayno; CENRO- Cantilan Mario Tioaquen, CENRO-Bislig Ferdinand Alba, CENRO-Lianga Jose Mario Reyes, og CENRO-Tandag Rogelio Montenegro.

Samtang ang mga CENROs gikan sa Region 11 nga gitangtang usab gilangkuban nila CENRO-Davao City (West) Napoleon Paje, Davao City (East) Melchor Ozaraga, CENRO-Baganga Robinson Camacho, CENRO-Lupon Basilio Caralos, CENRO-Mati Restituta Dime, CENRO-Manay Dioscor Gavarra, CENRO-Maco Marvin Parilla, CENRO-Monkayo Victor Billones, og CENRO-Nabunturan Antonio Inguillo.

Mahinumdumang niadtong Pebrero 2011, gipagawas ni Pangulong Noynoy Aquino ang Executive Order No. 23 nga nagdeklara og moratorium sa pagpamutol og kahoy sa natural og secondary forests sa tibuok nasud.

Ilalom sa maong kamanduan, gimugna ang usa ka anti-illegal logging task force aron mapatuman ang logging ban, nga gilangkuban sa mga departments of the Interior and Local Government and National Defense, hepe sa Armed Forces of the Philippines, hepe sa Philippine National Police, ka-uban ang DENR secretary isip chairman.

Niadtong May 2012, mi-abot sa kinatibuk-ang 32 ka mga employado ang na-dismiss og suspendido na, 34 ang nag-atubang sa nagkada-iyang kaso samtang 176 ang padayon pang gi-imbestigahan.

Source: http://bomboradyo.com/news/regional-news/cebuano-news/118204-31-ka-mga-denr-officials-sa-regions-11-og-13-gi-relieve-na-sa-posisyon