GENERAL SANTOS CITY- Nakafull-alert na ang kapulisan sa dakbayan sa Heneral Santos dungan sa pagsugod sa siyam ka adlaw nga US-RP joint naval exercises sa Sarangani bay.

Matud ni P/Supt. Ruel Beranggo sa General Santos City Police Office nga nagdugang sila og pulis aron muhatag og igong seguridad sa mga US troops.

Tutukan ang mga lugar nga adtuan sa US naval ug coast guard troops, lakip sa US Army Special Force alang sa siyam ka adlaw nga maneuvers nga mahuman sa Hulyo 10.

Gidugang pa sa opisyal nga modeploy sila og mga pulis sa mga lugar sa GenSan nga ipahigayunan sa civic ug military activities.

Lakip sa mga bantayan ang mga ipahigayung lihok protesta sa militanteng grupo batok sa nahisgtuang naval exercises.

Source: http://bomboradyo.com/news/regional-news/cebuano-news/118166-pnp-sa-gensan-nakafull-alert-dungan-sa-joint-naval-exercises